ಇದು ಗಡ್ ಬಡ್ ಕಥೆ!

   ಕರಾವಳಿ ಭಾಗದ ಮಂಗಳೂರು ಹಾಗೂ ಉಡುಪಿ ತಮ್ಮ ವಿಶಿಷ್ಟ ಹಾಗೂ ರುಚಿಕರ ಖಾದ್ಯ ಶೈಲಿ ,  ಅಡುಗೆ ಜೊತೆಗೆ ಐಸ್ಕ್ರೀಮ್‌ಗೂ ಹೆಸರುವಾಸಿ. ಈ ಸಾಲಿನಲ್ಲಿ ಹೆಸರಿನಿಂದಲೇ ಸೆಳೆಯುವುದು "ಗಡ್ ಬಡ್". ಹೆಸರಲ್ಲೇ ಗಡಿಬಿಡಿ ಇದ್ದರೂ, ರುಚಿ ಮಾತ್ರ ಅದ್ಭುತ! ಕರಾವಳಿ ಕರ್ನಾಟಕದ ಹೆಮ್ಮೆ ಈ "ಗಡ್ ಬಡ್". 

   ಐಸ್ಕ್ರೀಮ್ ಸವಿಯಲು ಬಂದ ಗ್ರಾಹಕನಿಗೆ ಗಡಿಬಿಡಿಯಲ್ಲಿ ಐಸ್ಕ್ರೀಮ್ ಮಾಡಿ ಕೊಟ್ಟು, ಹೆಸರು ಕೇಳಿದಾಗ ಥಟ್ಟನೆ "ಗಡ್ ಬಡ್ ಐಸ್ಕ್ರೀಮ್" ಎಂದು ಹೇಳಿದ್ದು, ಹಾಗೆ ಈ ಐಸ್ಕ್ರೀಮ್ ಹುಟ್ಟಿದ್ದು ಎನ್ನುವ ಕಥೆಯಿದೆ. ಉಡುಪಿಯ ಡಯಾನಾ ಹೋಟೆಲ್ ಅಲ್ಲಿ ಈ ಐಸ್ಕ್ರೀಮ್ ಜನಿಸಿದ್ದು.

   ಅತ್ತ ಕಡೆ ಪೂರ್ತಿ ಐಸ್ಕ್ರೀಮ್ ಅಲ್ಲ, ಇತ್ತ ಕಡೆ ಫ್ರೂಟ್ ಸಲಾಡ್ ಅಲ್ಲ. ಆದರೆ ಬಾಯಲ್ಲಿ ನೀರೂರಿಸುವ ರುಚಿ ಹೊಂದಿರುವ ವಿಶಿಷ್ಟ ಐಸ್ಕ್ರೀಮ್.

Captured by VarshaClicks

   ಬಗೆಬಗೆಯ ಹಣ್ಣು, ಒಣ ಹಣ್ಣು ಮತ್ತೊಂದಿಷ್ಟು ಕ್ರೀಮ್ ಅನ್ನು ದಂಡಿಯಾಗಿ ಸುರಿದರೆ ಗಡ್ ಬಡ್ ತಯಾರು. ಆದರೆ ಮನೆಯಲ್ಲಿ ತಯಾರಿಸಿದರೆ ನಿಜವಾದ ಗಡ್ ಬಡ್ ರುಚಿ ಬರುವುದು ಕಡಿಮೆ. ಅದನ್ನು ಕರಾವಳಿ ಕರ್ನಾಟಕ ಭಾಗದಲ್ಲಿಯೇ ಸವಿಯಬೇಕು!

ಇದನ್ನೂ ಓದಿ : ಬಿಸ್ಕತ್ ರೊಟ್ಟಿ ಕಮಾಲು

   ಈಗ ಪ್ರಪಂಚದ ಯಾವ ಮೂಲೆಯಲ್ಲಿಯೂ ಈ ಐಸ್ಕ್ರೀಮ್ ಕಾಣಸಿಗುತ್ತದೆ. ಆದರೆ ಗಡ್ ಬಡ್ ಇಂದಿಗೂ ನಮ್ಮ ಭಾಗದ ಹೆಮ್ಮೆಯಾಗಿ ಉಳಿದುಕೊಂಡಿದೆ. ಮುಂದೆಯೂ ಉಳಿಯಲಿದೆ!

ಗಡ್ ಬಡ್ ಇಲ್ಲದ ಮೆನು ಇಲ್ಲ. ಗಡ್ ಬಡ್ ತಿನ್ನದ ಕರಾವಳಿಗನಿಲ್ಲ!

ಹೆಚ್ಚಿನ ಲೇಖನಗಳಿಗಾಗಿ ಭಿತ್ತಿ ಬ್ಲಾಗ್ ಓದಿ.