ಕನ್ನಡ ನುಡಿಗಟ್ಟು ಸರಣಿ - ಸಂಚಿಕೆ ೪

 ನಮಸ್ತೆ.

   ಮಾತಿನ ನಡುವೆ ನುಡಿಗಟ್ಟು, ಗಾದೆಗಳನ್ನು ಬಳಸುವುದು ಒಂದು ಬಗೆಯ ಕಲೆಯೇ ಸರಿ. ನಿರ್ದಿಷ್ಟ ಸಂದರ್ಭ, ಸನ್ನಿವೇಶಕ್ಕೆ ಹೊಂದಿಕೊಳ್ಳುವಂತೆ ಇವುಗಳನ್ನು ಬಳಸುವವರು ಕಲಾವಿದರು!

  ನುಡಿಗಟ್ಟುಗಳ ಬಳಕೆ ತುಸು ಕಡಿಮೆಯಾದರೂ, ಅವುಗಳಲ್ಲೊಂದು ಸೊಗಸಿದೆ. ಆ ಸೊಗಸಿನ ಪರಿಚಯಕ್ಕಾಗಿಯೇ ಆರಂಭಿಸಲಾದ ಸರಣಿಯಿದು.

ಪ್ರತೀ ಸಂಚಿಕೆಯಲ್ಲಿ ಒಂದಿಷ್ಟು ನುಡಿಗಟ್ಟುಗಳನ್ನು ಅವುಗಳ ಅರ್ಥ ಸಹಿತ ನೀಡುವ ಪುಟ್ಟ ಪ್ರಯತ್ನವಿದು. ಅಗತ್ಯವಿದ್ದಲ್ಲಿ ಉದಾಹರಣೆ ಹಾಗೂ ವ್ಯಾಖ್ಯಾನಗಳನ್ನು ನೀಡಲಾಗುವುದು. 

ಇದನ್ನೂ ಓದಿ : ಕನ್ನಡ ನುಡಿಗಟ್ಟು ಸರಣಿ - ಸಂಚಿಕೆ ೩

  ಇವುಗಳನ್ನು ಕನ್ನಡ ಶಬ್ದಕೋಶದಿಂದ ಎರವಲು ಪಡೆಯಲಾಗಿದೆ. ವರ್ಣಮಾಲೆಯ ಕ್ರಮಾನುಸಾರವಾಗಿ ಪ್ರತೀ ಸಂಚಿಕೆಯಲ್ಲಿ ನುಡಿಗಟ್ಟುಗಳನ್ನು ನೀಡಲಾಗುತ್ತದೆ. ನಮ್ಮ ದೈನಂದಿನ ಮಾತುಕತೆಯಲ್ಲಿ, ಬರವಣಿಗೆಯಲ್ಲಿ ಇವುಗಳನ್ನು ಹಾಸುಹೊಕ್ಕಾಗಿಸಲು ಪ್ರಯತ್ನಿಸೋಣ.

ಸಂಚಿಕೆ ೪

ಕಂಕಣಬದ್ಧನಾಗು : ಸಂಕಲ್ಪಮಾಡು

ಕಂತೆಪುರಾಣ : ಯಾರಿಗೂ ಬೇಡವಾದ ಹಳೆಯ ವಿಚಾರ

ಕಂತೆಬಿಚ್ಚು : ಹಳೆಯ ಮತ್ತು ಸುಳ್ಳಾದ ವಿಷಯವನ್ನು ಹೇಳತೊಡಗು

ಕಂಬಿಕೀಳು : ಓಡಿ ಹೋಗು

ಕಗ್ಗಂಟು : ಬಗೆಹರಿಸಲಾಗದ ಸಮಸ್ಯೆ 

(ಆಂಗ್ಲ ಭಾಷೆಯ 'ಗಾರ್ಡಿಯನ್ ನಾಟ್' ನುಡಿಗಟ್ಟನ್ನು ಇಲ್ಲಿ ಹೋಲಿಸಬಹುದು)

ಕಚ್ಚೆಕಟ್ಟು : ಸಿದ್ಧನಾಗು 

ಕಟ್ಟಿಟ್ಟ ಬುತ್ತಿ : ಅನುಭವಿಸಲೇಬೇಕಾಗಿರುವುದು 

ಕಟ್ಟಿಡು : ಮೀಸಲಾಗಿಡು, ಬದಿಗಿರಿಸು 

ಕಟ್ಟುಕತೆ : ಸುಳ್ಳುಮಾತು, ಸುಳ್ಳು ಪ್ರಸಂಗ 

ಕಟ್ಟೆಪುರಾಣ : ಕಾಡುಹರಟೆ, ವ್ಯರ್ಥಚರ್ಚೆ

ಕಡಿದು ತೋರಣಕಟ್ಟು : ಶಿಕ್ಷಿಸು 

ಕಡಿವಾಣ ಹಾಕು : ಹತೋಟಿಯಲ್ಲಿಡು 

ಕಣಕ್ಕೆ ಇಳಿ : ಕರೆಗೆ ಸಿದ್ಧನಾಗಿ ನಿಲ್ಲು, ಹೋರಾಟಕ್ಕೆ ತೊಡಗು 

ಕಣ್ಣಾಡಿಸು : ಸ್ಥೂಲವಾಗಿ ಪರಿಶೀಲಿಸು, ಮೇಲು ಮೇಲಕ್ಕೆ ನೋಡು 

ಕಣ್ಣಿಗೆ ಮಣ್ಣೆರಚು : ಮೋಸಮಾಡು 

ಕಣ್ಣಿಗೆ ಹಬ್ಬವಾಗು : ನೋಡಿ ಸಂತಸಪಡು 

ಕಣ್ಣಿಗೆ ಹೊಡೆ : ಸ್ಪಷ್ಟವಾಗಿ ಕಾಣಿಸಿಕೊಳ್ಳು 

ಕಣ್ಣಿನಲ್ಲಿ ಎಣ್ಣೆ ಹಾಕಿ ನೋಡು : ಜಾಗರೂಕತೆಯಿಂದ ಹುಡುಕು, ಸೂಕ್ಷ್ಮವಾಗಿ ಪರಿಶೀಲಿಸು 

ಕಣ್ಣಿನಲ್ಲಿ ಕಣ್ಣಿಟ್ಟು ನೋಡು : ಬಹಳ ಎಚ್ಚರಿಕೆಯಿಂದ ನೋಡು 

ಕಣ್ಣಿನಲ್ಲಿ ರಕ್ತಬರುವುದು : ಬಹಳ ಯಾತನೆಯಾಗುವುದು, ಕಷ್ಟಪಡುವುದು 

ಕಣ್ಣಿನಿಂದ ಕೆಂಡಕಾರು : ಬಹಳ ಸಿಟ್ಟಾಗು 

ಕಣ್ಣೀರಿನಲ್ಲಿ ಕೈತೊಳೆ : ಬಹಳ ದುಃಖವನ್ನು, ಕಷ್ಟವನ್ನು ಅನುಭವಿಸು 

ಕಣ್ಣುಕಣ್ಣು ಬಿಡು : ಮಿಡುಕಾಡು, ಒದ್ದಾಡು, ಪರದಾಡು 

ಕಣ್ಣುಕೀಳು : ನೋಟವನ್ನು ಬೇರೆಡೆಗೆ ಬದಲಿಸು 

ಕಣ್ಣು ಕೆಂಡಮಾಡು : ಬಹಳ ಸಿಟ್ಟಾಗು 

ಕಣ್ಣು ಕೆಂಪಾಗು : ಕೋಪವುಂಟಾಗುವುದು 

ಕಣ್ಣುಗುಡ್ಡೆ ಮೇಲಕ್ಕೆ ಸಿಕ್ಕಿಕೊಳ್ಳು : ಕಷ್ಟಕ್ಕೆ ಸಿಕ್ಕಿಕೊಳ್ಳುವುದು 

ಹೆಚ್ಚಿನ ಲೇಖನಗಳಿಗಾಗಿ ಭಿತ್ತಿ ಬ್ಲಾಗ್ ಓದಿ.