ಕನ್ನಡ ನುಡಿಗಟ್ಟು ಸರಣಿ - ಸಂಚಿಕೆ ೬

  ನಮಸ್ತೆ.

   ಮಾತಿನ ನಡುವೆ ನುಡಿಗಟ್ಟು, ಗಾದೆಗಳನ್ನು ಬಳಸುವುದು ಒಂದು ಬಗೆಯ ಕಲೆಯೇ ಸರಿ. ನಿರ್ದಿಷ್ಟ ಸಂದರ್ಭ, ಸನ್ನಿವೇಶಕ್ಕೆ ಹೊಂದಿಕೊಳ್ಳುವಂತೆ ಇವುಗಳನ್ನು ಬಳಸುವವರು ಕಲಾವಿದರು!

  ನುಡಿಗಟ್ಟುಗಳ ಬಳಕೆ ತುಸು ಕಡಿಮೆಯಾದರೂ, ಅವುಗಳಲ್ಲೊಂದು ಸೊಗಸಿದೆ. ಆ ಸೊಗಸಿನ ಪರಿಚಯಕ್ಕಾಗಿಯೇ ಆರಂಭಿಸಲಾದ ಸರಣಿಯಿದು.

ಪ್ರತೀ ಸಂಚಿಕೆಯಲ್ಲಿ ಒಂದಿಷ್ಟು ನುಡಿಗಟ್ಟುಗಳನ್ನು ಅವುಗಳ ಅರ್ಥ ಸಹಿತ ನೀಡುವ ಪುಟ್ಟ ಪ್ರಯತ್ನವಿದು. ಅಗತ್ಯವಿದ್ದಲ್ಲಿ ಉದಾಹರಣೆ ಹಾಗೂ ವ್ಯಾಖ್ಯಾನಗಳನ್ನು ನೀಡಲಾಗುವುದು. 

ಇದನ್ನೂ ಓದಿ : ಕನ್ನಡ ನುಡಿಗಟ್ಟು ಸರಣಿ - ಸಂಚಿಕೆ ೫

  ಇವುಗಳನ್ನು ಕನ್ನಡ ಶಬ್ದಕೋಶದಿಂದ ಎರವಲು ಪಡೆಯಲಾಗಿದೆ. ವರ್ಣಮಾಲೆಯ ಕ್ರಮಾನುಸಾರವಾಗಿ ಪ್ರತೀ ಸಂಚಿಕೆಯಲ್ಲಿ ನುಡಿಗಟ್ಟುಗಳನ್ನು ನೀಡಲಾಗುತ್ತದೆ. ನಮ್ಮ ದೈನಂದಿನ ಮಾತುಕತೆಯಲ್ಲಿ, ಬರವಣಿಗೆಯಲ್ಲಿ ಇವುಗಳನ್ನು ಹಾಸುಹೊಕ್ಕಾಗಿಸಲು ಪ್ರಯತ್ನಿಸೋಣ.

                                                                        ಸಂಚಿಕೆ ೬

ಕಾಲಾಡು : ತಿರುಗಾಡು, ಸುತ್ತಾಡು

ಕಾಲಿಗೆ ಬುದ್ಧಿಹೇಳು : ಓಡು

ಕಾಲುಕಟ್ಟು : ಯಾಚಿಸು, ದೈನ್ಯದಿಂದ ಕೇಳು

ಕಾಲುಕೀಳು : ಹೊರಡು

ಕಾಲೂರು : ನೆಲೆಯಾಗಿ ನಿಲ್ಲು

ಕಾಲೆಳೆದುಕೊಂಡು ಹೋಗು : ನಿಧಾನವಾಗಿ ನಡಿ

ಕಾಸಿಗೂ ಕಡೆ : ಅಪ್ರಯೋಜಕ

ಕಾಸಿಗೊಂದು ಕೊಸರಿಗೆರಡು : ಬಹಳ ಅಗ್ಗವಾಗಿ ಸಿಗುವ ವಸ್ತು

ಕಿಡಿಕಾರು : ಸಿಟ್ಟಿಗೇಳು, ಉರಿದುಬೀಳು

ಕಿರುಬೆರಳಲ್ಲಿ ಕುಣಿಸು : ಹೇಳಿದಂತೆ ಕೇಳುವ ಹಾಗೆ ಮಾಡು

ಕಿವಿಕಚ್ಚು : ಚಾಡಿ ಹೇಳು

ಕಿವಿಕೊಟ್ಟು ಕೇಳು : ಗಮನವಿಟ್ಟು ಕೇಳು

ಕಿವಿಕೊಡು : ತಲ್ಲೀನತೆಯಿಂದ ಕೇಳು

ಕಿವಿಗೆ ಬೀಳು : ಆಕಸ್ಮಿಕವಾಗಿ ಕೇಳು

ಕಿವಿಗೆ ಹಬ್ಬವಾಗು : ಕೇಳಿ ಸಂತೋಷವುಂಟಾಗು

ಕಿವಿ ನೆಟ್ಟಗಾಗು : ಕೇಳುವ ಆಸಕ್ತಿ ಹೆಚ್ಚಾಗು

ಕಿವಿಯ ಮೇಲೆ ಹಾಕಿಕೊಳ್ಳು : ಸರಿಯಾಗಿ ಕೇಳು

ಕುಡಿವ ನೀರು ಅಲ್ಲಾಡದೆ : ಏನೂ ತೊಂದರೆಯಾಗದೆ

ಕುತ್ತಿಗೆ ಕೊಯ್ಯಿ : ಮೋಸಮಾಡು, ವಿಶ್ವಾಸಘಾತ ಮಾಡು

ಕುತ್ತಿಗೆಗೆ ಕಟ್ಟಿಕೊಳ್ಳು : ಹೊಣೆ ಹೊತ್ತುಕೊಳ್ಳು, ಮದುವೆಯಾಗು

ಕುರುಡುನಂಬಿಕೆ : ವಿವೇಕವಿಲ್ಲದ ನಂಬಿಕೆ

ಕೂದಲು ಕೊಂಕದಿರು : ಕೆಡುಕಾಗದಿರು

ಕೂಪಮಂಡೂಕ : ಸಂಕುಚಿತ ವಿಚಾರವುಳ್ಳ, ಲೋಕಾನುಭವವಿಲ್ಲದವ

ಕೈಯಿಡು : ಕಾರ್ಯದಲ್ಲಿ ತೊಡಗು, ಉದ್ಯೋಗಿಸು

ಕೈಕಚ್ಚು : ನಷ್ಟವಾಗು

ಕೈಕಟ್ಟಿ ಕೂಡು : ನಿರುಪಾಯನಾಗು

ಕೈಕಟ್ಟು : ನಿಯಂತ್ರಿಸು, ತಡೆ

ಕೈಕಾಲು ಬಿಡು : ಧೈರ್ಯಗೆಡು

ಕೈಕೊಡು : ಮೋಸಮಾಡು ಕೈಗೆ ಕರಟ ಕೊಡು : ತೀರಾ ಬಡವನನ್ನಾಗಿ ಮಾಡು ಹೆಚ್ಚಿನ ಲೇಖನಗಳಿಗಾಗಿ ಭಿತ್ತಿ ಬ್ಲಾಗ್ ಓದಿ.